சுருட்டை முடிக்காரி.....

என் காதலை உன்னிடம் கூறினேன்
நீ...கண்களில் கண்ணீர் முட்ட
என்னை கட்டியணைத்துக் கொண்டாய்...
கடற்கரையில்...  படகின் மறைவில்
உன் மடியில் நான் இருந்த பொழுதுகளில்
திருட்டுத்தனமாய் என் இதழில்...
ஒரு ஈர முத்தம் தந்தாய்...
உன் குடும்பமும்! என் குடும்பமும்!
நம் காதலை ஏற்றுக் கொள்ள
நல்ல நாளில் இனிதே நடந்தது
நம் திருமணம்...
முதல் வருடத்தில் என்னைப் போல்
ஒரு ஆண் குழந்தையும்...
அடுத்த வருடத்தில் உன்னைப் போல்
ஒரு அழகிய பெண் குழந்தையும்...
பெற்றெடுத்தோம்.
இனிய வாழ்வில்
ஊடல் நிறைந்திருந்த காலத்தில்
மாலைநேரத்தில் நான் வாங்கி வந்த
மல்லிகையும்,அல்வாவும்...
ஊடல் தீர்த்து உன்னை
இறுக்கியணைத்துக் கொள்ள
உதவின...........
கனவு கலைந்தது...!
இறங்க வேண்டிய இடம்
வந்தும் இறங்காத என் உறக்கம்
கலைத்த நடத்துனரின் அர்ச்சனையுடன்
இறங்கினேன்....
ஒரு மணி நேர கனவு தந்த
முன் சீட்டில் அமர்ந்திருந்த
சுருட்டை முடிக்காரிக்கு நன்றி!