அடுத்(த)து திரை விமர்சனம்

நாளையமனிதன்,அதிசயமனிதன், போன்ற பல திகில்,திரில்லர் படங்களை எடுத்த தக்காளிசீனிவாசன் நீண்டநாட்களுக்குப் பிறகு இயக்கிய ஒரு வித்தியாசமான திரில்லர் திரைப்படம்தான் அடுத்(த)து. இந்த படத்தில் ஸ்ரீமன், இளவரசு, வையாபுரி, ஆர்த்தி, மற்றும் நாசர் முக்கிய கதாபாத்திரத்தில்  சிவாஜிசந்தானம்அண்ணன்  நடித்துள்ளார். அது போக நாலு பிகருக இருக்கு....

பத்துக்கு பத்து என்கிற ஒரு டிவி நிகழ்ச்சியில் ஆள்யாருமற்ற தீவில் இருக்கும் பயங்கர பங்களாவில் தங்க வேண்டும், பயப்படுபவர்கள் போட்டியில் இருந்து வெளியேற்றப்படுவார்கள், அவர்கள் நடவடிக்கையை சேட்லைட் கேமரா மூலம் கண்காணிக்கப்படுவார்கள் எனவும் தெரிவிக்கப்படுகிறது, போட்டியில் கலந்து கொண்டவர்களில் பத்து நபர்கள் தேர்ந்து எடுக்கப்பட்டு தீவுக்கு அனுப்பி வைக்கப்படுகிறார்கள்.

அங்கு சென்றதும் இரண்டு பேர் மர்மமான முறையில் கொலை செய்யப்படுகிறார்கள், திகிலடைந்து டிவி நிலையத்தை தொடர்பு கொள்ள முயற்சிக்கிறார்கள், அனைத்து தொடர்புகளும் துண்டிக்கப்படுகிறது, பிறகு தான் தெரிகிறது அவர்களை அனுப்பியது டிவி நிகழ்ச்சி நடத்துபவர்கள் இல்லை இவர்களை கொலை செய்ய யாரோ திட்டமிட்டு சதி செய்து அனுப்பியுள்ளார்கள் என்று! இவர்களை கொலை செய்பவன் பத்து பேரில் ஒருவன் என்றும் தெரிகிறது, இதற்கெல்லாம் சூத்தரதாரியான வயதான நீதிபதியான நாசர் சட்டத்தின் முன் தவறு செய்து பண பலத்தால் தப்பித்தவர்களை, டிவி நிகழ்ச்சி என்கிற பெயரில் வரவழைத்து ரமணா பாணியில் ஒவ்வெரு நபர்களாக கொலை செய்கிறார்.

ஆரம்ப காட்சிகளில் ஒரு தெளிவில்லாத காட்சிகள், செதப்பலான நடிப்பு, என்று ஒரு நாடக தன்மையோடு படம் துவங்குகிறது, திகில் காட்சிகளுக்கு திரில்லர் படங்களுக்கு உரிய காட்சியமைப்பும் இசையும் இல்லாதது படத்தின் மிகப்பெரிய குறை, சுவாரஸ்யம் இல்லாமல் செல்லும் படம் இடைவேளைக்கு பிறகு டிவி நிகழ்ச்சியனாரால் தேர்ந்து எடுக்கப்பட்டவர்கள் இவர்கள் இல்லை என்று தெரிய வரும்போது நிமிர்ந்து உக்கார வைக்கின்றது, நாசர் வந்தபிறகு ஒரு சில திருப்பங்களுடன் படம் வேகம் எடுக்கின்றது.

திகில் படமாகவும் சமூக கொடுமையினைக் களையும் ஒரு புரட்சி படமாகவும், நல்ல திரைக்கதையை வடிவமைத்தவர்கள், நடிகர், நடிகை தேர்வு செய்வது எடிட்டிங் பின்னணியிசை போன்றவற்றை சொதப்பலாக்கியது, படத்தினை சுவாரஸ்யமில்லாத தன்மையை உண்டாக்கிவிட்டது.

பசங்க பட அம்மா கேரக்டர் ஆண்ட்டி
இதுல பியூட்டி

"சிக்னல்ல நிக்காம போறவன் முதல் இராணுவ ரகசியம் திருடுபவன் வரை பணத்தினால் தப்பிக்கும் போது நம்ம நாட்டுல சட்டம் செயல் படாம போகுது" என்கிற வசனம் பல படங்களில் இதே பாணியில் இருந்தாலும் ஒரு சில கூர்மையான வசனங்கள் ஒருசில இடங்களில் இருக்கின்றன. சில வசனங்கள் உதாரணமாக "ஐ எம் எ காமன் மேன்" என நாசர் சொல்லும் போது ஏனோ உன்னைப் போல் ஒருவனை ஞாபகப்படுத்துகின்றது. அதை தவிர்த்திருக்கலாம்.

கொட்டு

12வயது சிறுமி கற்பழிக்கப்படுவது போன்ற காட்சி உறுத்தலாக உள்ளது, அதை ஒரு பெண் ஆப்பிள் கடித்தபடி ரசிப்பது வக்கிரமாக உள்ளது.

ஷொட்டு

படத்தை இழுக்காமல் சிறிதாக எடுத்தது.

ரிசல்ட்

அடுத்தது திரில்லர் படத்துக்குறிய திகிலும் இல்லை...கிளுகிளுப்பும் இல்லை சும்மா போரடிச்சா பார்க்கலாம்.....